- Tíðindi, mentan og ítróttur
Ósemja um toppstørv í ES
Ósemja um toppstørv í ES
Týskland og Frakland eru ósamd um, hvør skal avloysa ES-nevndarformannin
Tvey av valdsríkastu ES-londunum, Frakland og Týskland eru ósamd um, hvør skal manna eitt av toppstørvunum í ES
29.05.2019 - 08:02
Tvey av valdsríkastu ES-londunum, Frakland og Týskland eru ósamd um, hvør skal manna eitt av toppstørvunum í ES, skrivar BBC.
Týski samveldiskanslarin, Angela Merkel, vil hava Manfred Weber, ið hoyrir til tann konservativa bólkin í Evropaparlamentinum, at avloysa Jean Claude-Juncker sum formann í Evropanevndini.
Men franski forsetin, Emmanuel Macron, ikki so mikið sum nevndi Weber sum eitt evni til sessin. Tað kom fram á toppfundi í Bruxelles í gjár, har ES-statsleiðararnir tingaðust um, hvør skal setast í toppstørv í ES.
Fimm størv eru leys. Umframt formanssessin í Evropanevndini, skal millum annað formanssessurin í evropeiska miðbankanum mannast. Har hevur Mario Draghi sitið higartil.
Er kopiera
Nýggjastu sendingar í ÚV
Nýggjastu sendingar í SV
