Húsaprísurin trífaldaður síðani 1985

Húsaprísurin trífaldaður síðani 1985
Tað er lutfalsliga nógv dýrari at keypa íbúðir enn sethús í høvuðsstaðnum, staðfestir Landsbanki Føroya í frágreiðing
Prísurin á sethúsum og íbúðum í Havnini er næstan trífaldaður síðani 1985, staðfestir Landsbanki Føroya í nýggjari frágreiðing
 
06.11.2018 - 14:10

Prísurin á sethúsum og íbúðum í Havnini er næstan trífaldaður síðani 1985. Tað sigur Landsbanki Føroya í nýggjari frágreiðing um føroyska sethúsamarknaðin.

Miðalprísurin fyri hvønn fermetur á íbúðum er tó við árunum blivin nakað hægri enn miðalfermeturprísurin á sethúsum, sambært frágreiðingini.

SÍ EISINI Sethús í Havn kosta í miðal 1,5 milliónir meira

Síðani í 90’unum hevur munurin á fermeturprísinum á íbúðum og sethúsum í Tórshavn verið javnur, men munurin er øktur nakað síðani 2007.

Í dag eru íbúðir í høvuðsstaðnum lutfalsliga dýrari enn sethús, sambært Landsbankanum. Miðalfermeturprísurin á íbúðum er nú 10.000 krónur hægri enn á sethúsum.

Fermeturprísurin á íbúðum 61 prosent hægri

Miðalfermeturprísurin á íbúðum í Havn er nú 26.412 krónur meðan miðalfermeturprísurin á sethúsum í Havn er 16.382 krónur, sambært frágreiðingini.

Ein av orsøkunum, til at íbúðirnar eru dýrari, er aldurin. Sethúsini eru eldri, og tí verða íbúðirnar lutfalsliga seldar fyri meira enn sethúsini, sigur Landsbanki Føroya.

Hetta kann eisini vera tekin um, at eftirspurningurin eftir smærri bústøðum er størri enn eftir teimum størru bústøðunum, stendur í frágreiðingini hjá bankanum.

Er kopiera
Nýggjastu sendingar í ÚV
Sunnudag 16. februar
Bolero - Bartok, Hindemith og Rota
187832
Sunnudag 16. februar
Guðstænasta úr Havnar kirkju
187830
Sunnudag 16. februar
Kallið: Vit mugu kenna ábyrgd
187771
Leygardag 15. februar
Jambalaja - 150225
187814
Nýggjastu sendingar í SV
Sunnudag 16. februar
VÍF - Kyndil, menn
187840
Sunnudag 16. februar
Guðstænasta úr Havnar kirkju
187829
Leygardag 15. februar
2. hálvfinala hjá monnum: H71 - KÍF
187825
Leygardag 15. februar
H71 - Neistin, kvinnur
187824
Fríggjadag 14. februar
Dagur og vika - teknmálstulkað
187762