Ætla at taka oljuleiting upp aftur í Grønlandi

Grønlendska landsstýrið droymir framvegis um eitt oljuævintýr.

Í fíggjarlógaruppskotinum fyri 2019 hevur landsstýrið sett 48 milliónir krónur av at kanna, um grundarlag er fyri at leita eftir olju í Diskovíkini.

Í 2014 varð givist at leita eftir olju í Diskovíkini. Tá hevði verið leitað har í átta ár, men einki varð funnið.

Nú er ætlanin at leita á landi, og tí hevur landsstýrismaðurin í vinnumálum, Aqqalu Jerimiassen, betri vónir, skrivar grønlendska kringvarpið. Aqqalu Jerimiassen væntar eisini, at størri áhugi verður at leita á landi.

Tær 48 milliónirnar, sum landsstýrið skjýtur upp at brúka næsta ár, skulu millum annað nýtast til seismiskar kanningar.

Pengarnir eru ikki tøkir, og neyðugt er ikki at umraðfesta onnur málsøki, sigur landsstýrismaðurin í vinnumálum. 

Verður uppskotið um at játta peningin til oljuleiting samtykt, byrjar leitingin í mars næsta ár.