Undrast yvir fráboðanina hjá løgmanni

Føroya Pedagogfelag undrast yvir, at Aksel V. Johannesen, løgmaður, í Degi & Viku týskvøldið boðaði frá, at nýggja útbúgvingin til hjálparfólk á námsfrøðiliga økinum fer at liggja væl í Suðuroynni.

Limir í felagnum hava boðað frá, at um útbúgvingin verður lagd í Suðuroynni, loysir tað seg eins væl hjá teimum at fara av landinum at lesa. 

Tað sigur Jógvan Philbrow, formaður í Føroya Pedagogfelag.

- "Vit hava fleiri limir, sum hava sett seg í samband við okkum, sum hava víst á, at um útbúgvingin liggur ov langt frá teimum, so gevur útbúgvingin onga meining fyri tey", sigur Jógvan Philbrow.

- "Tað er líka lætt hjá teimum at fara aðrastaðni av landinum at taka eina tílíka útbúgving", sigur Jógvan Philbrow.