Kostar 1.099.000 krónur at asfaltera ein kilometur

Kostar 1.099.000 krónur at asfaltera ein kilometur
Tað kostar eina millión og 99.000 krónur at asfaltera ein kilometur av landsvegi sambært bíligasta tilboðnum frá privatari fyritøku
Mynd: Landsverk  
 
24.05.2018 - 10:47

Landsverk hevur biðið um tilboð upp á at asfaltera 4,1 kilometur millum Kollafjørð og Hósvík og ein kilometur við Tjørnunes.

Tríggjar privatar fyritøkur góvu tilboð. HJ Asfalt hevði lægsta tilboðið í báðum førum.

Tilboðini eru nakað størri enn metingin hjá Landsverki.

HJ Asfalt bjóðar sær til at asfaltera teinin millum Kollafjørð og Hósvík fyri fýra milliónir og 368.000 krónur. Tað vil siga umleið eina millión og 65.000 fyri kilometurin.

Metingin hjá Landsverki er fýra milliónir og slakar 84.000 krónur.

Tann eina kilometurin við Tjørnunes bjóðar HJ Asfalt sær til at asfaltera fyri eina millión og 99.000 krónur.

Landsverk heldur, at arbeiðið kann gerast fyri nakað minni enn tað, fyri góðar 903.000 krónur.

Sambært størsta privata tilboðnum kostar eina kilometur av landsvegi slakar 1,4 milliónir krónur at asfaltera.

Er kopiera
Nýggjastu sendingar í ÚV
Sunnudag 6. apríl
Bolero - Amy Beach
190318
Sunnudag 6. apríl
Guðstænasta í Kvívíkar kirkju
190317
Sunnudag 6. apríl
Møti úr Betesda í Klaksvík.
190316
Nýggjastu sendingar í SV
Sunnudag 6. apríl
Møti úr KFUM & K í Klaksvík
190331
Sunnudag 6. apríl
Andakt
190330
Leygardag 5. apríl
Sement 2025
190308
Leygardag 5. apríl
Nations League 2025: Føroyar - Moldova 2-0
190286
Fríggjadag 4. apríl
Veðrið
190275