Nógvir fundir í vinnunevndini

bannari
Nógvir fundir í vinnunevndini
21 innkallingar eru í sambandi við málið um fiskivinnunýskipanina
Bjørt Samuelsen, forkvinna, og hini í vinnunevndini hava nógv at gera, nú tey viðgera fiskivinnunýskipanina
 
21.10.2017 - 10:13

Nógv hava fingið fundarboð í vinnunevndini at siga sína hugsan um uppskotið hja Høgna Hoydal, landsstýrismanni, um nýggja fiskivinnuskipan.

Í gjár hevði nevndin fund við felagið Trolbátar, Lemmatrolarar, Rækjuskip, Nótaskip, Garnaskip, Thor, Meinhard Jacobsen og Árna M. Dam.

Mánadagin fara Vestmanna Seafood, PRG, Faroe Origin, Tummas Henriksen, Útlendingastovan, Kappingareftirlitið, Kommunufelagið og landsstýriskvinnan í fíggjarmálum á fund við vinnunevndina um fiskivinnulóggávuna.

Fundur verður eisini um málið týsdagin, og tá kemur landsstýrismaðurin í fiskivinnumálum í vinnunevndina saman við Vørn og Havstovuni. 

Liðugt í næstu viku

Nýggja forkvinnan í vinnunevndini, Bjørt Samuelsen, segði við útvarpið fyrr í vikuni, at innkallingarnar verða lidnar í næstu viku, og 21 innkallingar eru sendar út til fundirnar.

Tey, sum nevndin vil hoyra nú, vóru eisini á fundi við nevndina fyrru ferð, hon viðgjørdi uppskotið um fiskivinnunýskipan. 

Tað uppskotið datt burtur, tá tingið fór í summarfrí.

Bjørt Samuelsen sigur, at neyðugt er at hoyra allar partar aftur, tí uppskotið, sum nú er í tinginum, er nógv broytt samanborið við fyrra uppskotið.   

Er kopiera
Nýggjastu sendingar í ÚV
Leygardag 5. apríl
Upp á tá - 040425
190297
Leygardag 5. apríl
Vikan 5. apríl 2025
190296
Leygardag 5. apríl
Morgunlestur leygardagur 5.apríl 2025
189980
Fríggjadag 4. apríl
Vikuskiftið 4 apríl 2025
190276
Fríggjadag 4. apríl
Breddin: Suðuroyartunnilin
190254
Nýggjastu sendingar í SV
Leygardag 5. apríl
Nations League 2025: Føroyar - Moldova 2-0
190286
Fríggjadag 4. apríl
Veðrið
190275
Fríggjadag 4. apríl
KAKUMiKS (2:7)
190170
Fríggjadag 4. apríl
Dagur og vika - teknmálstulkað
190243
Hósdag 3. apríl
Dagur og vika - teknmálstulkað
190208