- Tíðindi, mentan og ítróttur
Føroyar vunnu á Sveis
Føroyar vunnu á Sveis
Føroyska U-21 landsliðið í hondbólti fekk eina sera góða byrjan upp á HM-undankappingina
Mynd: jn.fo
06.01.2017 - 22:34
Púra óvæntað hevur føroyska U-21 landsliðið fingið best hugsandi byrjanina upp á HM-undankappingina.
Føroyar vunnu 28-24 á Sveis, sum undan kappingini var mett sum sterkasta landið í bólkinum.
Støðan í hálvleikinum var 16-14 til Føroyar.
Toppskjúttarnir hjá Føroyum vóru Helgi Hoydal, Áki Egilsnes og Fríði Weyhe. Teir skutu fýra mál hvør.
Við sigrinum hava Føroyar møguleika at spæla seg víðari til HM-endaspælið, men enn eru tveir dystir eftir.
Føroyar spæla í morgin ímóti Ísrael. Dysturin verður í høllini á Hálsi klokkan 18.00.
Finnland vann fyrr í dag 36-30 á Ísrael.
Dysturin ímillum Føroyar og Sveis kann síggjast her: https://www.youtube.com/watch?v=lLvaM080E2k
mynd: jn.fo
Er kopiera
Nýggjastu sendingar í ÚV
Nýggjastu sendingar í SV
