231 bilar missa nummarpláturnar

Akstovan hevur sent løgregluni 231 mál um bileigarar, sum ikki hava goldið vegskatt ella trygging, ella ikki hava verið til sýn við bilinum í apríl.

Løgreglan hevur verið úti og klipt nummarplátur av bilum, hvørs eigari ikki hevur rindað vegskatt ella trygging, ella ikki er møttur til sýn við bilunum.

Býtt yvir landið er talan um 44 nummarplátur, sum skulu takast í Streymoynni og Sandoynni. 107 í Eysturoynni, 62 í Norðuroyggjum. 3 í Suðuri og 18 í Vágum.

Kanna eisini um fólk koyra við píkum

Í gjár vórðu nummarplátur á 15 bilum kliptar í Suðurstreymi, og í nátt 14. Í Eysturoynni og Norðoyggjum vóru klipt seks sett av nummarplátum, sigur Jan Hermansen, vaktleiðari á politistøðini í Havn.

Løgreglan gjørdi í gjár eisini serlig átak í sambandi við at nú er ikki loyvt at koyra við píkadekkum. Men til gleði fyri løgregluna, varð eingin tikin fyri at koyra við píkum, sigur Jan Hermansen.

Hinvegin fekk ein bilførari í Havn ígjár klipp í koyrikortið, tí at hann koyrdi við einum barni í bilinum, sum ikki sat íbundið.