Trivnaðarnevndin vil hava upprit

Trivnaðarnevndin vil hava greiði á 13 spurningum, eftir at eitt broytingaruppskot varð lagt fram við aðru viðgerð, tá Løgtingið viðgjørdi uppskotið um at broyta hjúnabandslógina, so samkynd kunnu vígast borgarliga.

Millum annað vil ein samd nevnd hava at vita, um so er, at grein 14, stk. 2 verður strikað, verður tað so bundið fyri soleiðis, at kirkjan hvørki skal ella kann signa samkynt, borgarligt hjúnalag.

SÍ EISINI Óvist nær nevndin verður liðug

Katrin Kallsberg, forkvinna í Trivnaðarnevndini, hevur fyrr sagt, at uppskotið kemur úr nevnd aftur, áðrenn tingið fer í summarfrí. Sambært álmanakkanum hjá tinginum, fer Løgtingið í summarfrí flaggdagin, 25 apríl.

Er málið ikki komið úr nevndini tá, ella verður tað ikki samtykt endaligt við triðju viðgerð, áðrenn tingið fer í summarfrí, dettur málið burtur.