Kim Kielsen á almenna vitjan hósdagin

Hósdagin koma grønlendski landsstýrisformaðurin, Kim Kielsen, og kona hansara, Judithe Kielsen, á almenna vitjan.

Tá Aksel V. Johannesen, løgmaður, hevur tikið ímóti á flogvøllinum, verður farið at vitja alifyritøkuna Hiddenfjord í Vágum.

Eisini verður farið til Bíggjar.

Fríggjadagin hava løgmaður og Kim Kielsen fund í Tinganesi. Síðani verður farið til Klaksvíkar, har grønlendski landsstýrisformaðurin hittir Jógvan Skorheim, borgarstjóra. Eisini verður farið á Kósina.

Úr Klaksvík gongur leiðin til Fuglafjarðar at síggja uppsjóvarvirkið Pelagos.

Leygardagin verður farið til Dímunar, har bóndahjúnini taka ímóti. Eisini verður farið inn á gólvið hjá MBM og Føroya Tele í Havn. 

Áðrenn Kim Kielsen fer av landinum aftur mánadagin, vitjar hann í løgtinginum og vindmyllulundina hjá SEV í Húsahaga.