Maður skotin við løgreglustøð í París

Ein vápnaður maður er skotin og dripin, tá hann fyri løtu síðani royndi at koma sær inn á eina politistøð í franska høvuðsstaðnum

Løgreglan á varðhaldi í franska høvuðsstaðnum, París, eftir at løgreglan um middagsleitið skeyt og drap ein vápnaðan mann, ið royndi at koma sær inn á eina politistøð norðarliga í franska høvuðsstaðnum

Mynd: AP

Bjarni Mohr

07.01.2016 - 12:31

Samstundis sum París minnist blóðiga álopið á satirublaðið, Charlie Hebdo, fyri einum ári síðani, hevur løgreglan steðgað einum nýggjum álopi í býnum.

Løgreglan skeyt og drap fyri løtu síðani ein mann, ið royndi at koma sær inn á eina løgreglustøð við knívi og einum følskum bumbubelti.

Greinin heldur fram niðanfyri

Man wielding knife shot dead while trying to enter police station in Paris, reports say https://t.co/XknNM6fZcF
— BBC Breaking News (@BBCBreaking) January 7, 2016

Sambæt altjóða miðlum rópti maðurin »allahu akbar« (Guð er stórur) tá hann royndi at koma inn á politistøðina norðarliga í franska høvuðsstaðnum.

Í dag er júst eitt ár síðan, at vápnaðir gerningsmenn trokaðu seg inn á redaksjónina á satirublaðnum, Charlie Hebdo, skutu frá hond og myrdu 10 fólk á blaðnum.