Tríggir føroyskir svimjarar til HM á stuttgeil

Tríggir føroyskir svimjarar vera við í heimsmeistarakappingini á stuttgeil í næstu viku.

Kappingin er í Doha í Qatar frá 3. til 7. desember.

Føroysku svimjararnir eru Pál Joensen úr Suðuroyar Svimjifelag, Cecilia Wigant Eysturdal úr Ægir og Óli Mortensen úr Havnar Svimjifelag.

Mikudagin svimur Óli Mortensen 200 m frí. Hósdagin svimur Cecilia Wigant Eysturdal 800 m frí, og Óli Mortensen 400 m frí. Fríggjadagin svimja Pál Joensen og Óli Mortensen 400 m frí, meðan Cecilia Wigant Eysturdal 400 m frí. Og sunnudagin svimur Cecilia Wigant Eysturdal 200 m frí, meðan Óli Mortensen og Pál Joensen svimja 1500 m.

Størstu vónirnar eru til Pál Joensen í 1500 m frí og kanska eisini í 400 m frí, sigur Rókur í Jákupsstovu, formaður í Svimjisambandinum.

Í 400 frí skulu teir svimja um at koma í finalu sama kvøld, meðan 1500 frí verður avgreitt við beinleiðis finalum, har teir átta svimja í finalupartinum um kvøldið, sum hava bestu tilmeldingartíð frá øðrum stevnum hetta seinasta árið.

Enn er ógreitt, um Pál er millum teir átta við bestu tilmeldingartíðum, men har skuldi verið góður møguleiki fyri tí, sigur Rókur í Jákupsstovu.

Tað ber til at fylgja við úrslitunum á www.omegatiming.com, og at síggja kappingarnar á millum annað Eurosport. Danska TV2 sendir eisini fra innleiðandi og finalum.