ABBA endurreist við nýggjari fløgu

<p>Tey hava longu sagt "Thank You For The Music" og hava ikki spælt saman í 32 ár - &nbsp;tey fýra, Agnetha, Anni-Frid, Björn og Benny í ABBA.</p>

<p>Kortini er ein nýggj fløga við svenska bólkinum nú á veg í handlarnar. 29. september kemur "ABBA Live at Wembley Arena" á marknaðin.</p>

<p>Svenski tónleikabólkurin, ABBA, hevði fylt Wembley Arena í London fimm kvøld á rað, tá upptøkurnar við tónleikinum til&nbsp;nýggju fløguna&nbsp;vórðu gjørdar</p>

<p><strong>Upptøkur frá 1979</strong></p>

<p>Upptøkurnar til nýggju fløguna vórðu gjørdar leygarkvøldið 10. november í 1979, og nú - 35 ár seinni - eru upptøkurnar gjørdar lidnar og klárar til útgávu.</p>

<p>- Tónleikurin ljóðar júst sum hann gjørdi tað kvøldið í 1979, og eg eri bilsin yvir, hvussu gott tað ljóðar, sigur Benny Andersson við danska blaðið, <a href="http://www.bt.dk/musik/abba-genopstaar-paa-nyt-album" target="_blank">BT</a>.</p>

<p>Tað er sonur Benny Andersson, Ludvig Andersson, ið hevur lurtað eftir eftir øllum konsertupptøkunum frá 70-unum. Tað&nbsp;er eisini sonurin, ið stendur fyri nýggju útgávuni.</p>