- Tíðindi, mentan og ítróttur
Nokta limunum at mynstra við Asbjørn Senior
Nokta limunum at mynstra við Asbjørn Senior
Manningarfeløgini siga, at tey hava ongar sáttmálar um nótaskipið Asbjørn Senior
Asbjørn Senior leyp av í danska uppsjóvarflotanum og hevur ligið í Føroyum síðani fyrst í juni
22.07.2014 - 07:29
Manningarfeløgini nokta limum sínum at mynstra við nótaskipinum Asbjørn Senior, so leingi eingin sáttmáli er við manningarfeløgini um at flyta og fiska makrel og sild.
Í gjárkvøldið varð søkt eftir maskinmeistara og øðrum-meistara til Asbjørn Senior at byrja alt fyri eitt.
Nakrar tímar seinni kunngjørdu Maskinmeistarafelagið og hini bæði manningarfeløgini, at tey nokta limum sínum at fara við Asbjørn Senior.
Asbjørn Senior varr danskt nótaskip, sum kom til Føroya 2. juni. Skipið lá fyrst í Havn, men fór síðani til Kollafjarðar og hevur ligið har síðani.
Asbjørn Senior varð strikaður í donsku skipaskránni fríggjadagin, tí skipið er selt til Føroya. Men enn er tað ikki skrásett í Føroyum.
Er kopiera
Nýggjastu sendingar í ÚV
Nýggjastu sendingar í SV
