Ukrainskt hernaðarflogfar skotið niður

<p>Øll 49 fólkini umborð á flogfarinum lótu lív, tá hernaðarflogfarið varð skotið niður, sigur ein talsmaður hjá ukrainska herinum, sambært tíðindastovuni hjá Ritzau.</p>

<p>Tað var stutt fyri at flogfarið skuldi seta seg í flogvøllinum í Lugansk, sum liggur eystarliga í Ukraina, at viðhaldsfólk hjá Russlandi skutu flogfarið niður. Hetta er annað flogfarið, sum verður skotið niður í Ukraina seinastu vikuna.</p>

<p>Seinastu mánaðirnar hava samanbrestir regluliga verið millum russisk viðhaldsfólk og herin í Ukraina. Stjórnin í Ukraina skuldsetir Russland fyri at stuðla uppreistrarfólkunum, men hesum vísa russisku viðhaldsfólkini aftur.</p>