Brúkaraumboðið herðir eftirlitið

Brúkaraumboðið fer at hava hert eftirlit við teimum, ið selja gerandisvørur og brúkslutir, tað sum eftir er av hesum árinum

Tað skal bera til skjótt og ómakaleyst at meta um ymisk tilboð og gera sær eina niðurstøðu um prísin. Tí herðir Brúkaraumboðið nú eftirlitið við teimum, ið selja gerandisvørur og brúkslutir (tilvildarlig savnsmynd)

Mynd: KvF

Høgni Djurhuus

Bjarni Mohr

20.05.2014 - 14:45

Leiðreglur um marknaðarføring av prísi vórðu settar í gildi í fjør summar. Nú er neyðugt at kanna, um hesar reglur verða hildnar, sigur Brúkaraumboðið í <a href="http://bruk.fo/tioindi/varning-um-hert-eftirlit/" target="_blank">tíðindaskrivi</a>.

Endamálið við leiðreglunum er at tryggja brúkaran móti villleiðandi marknaðarføring. Tað skal bera til skjótt og ómakaleyst at meta um ymisk tilboð og gera sær eina niðurstøðu um prísin.

Tey, sum ikki halda reglurnar, eiga ikki at fáa nakran kappingarfyrimun av tí. Brúkaraumboðið hevur givið teimum, sum ikki hava marknaðarføringina í lagi, freist til 1. juli at fáa marknaðarføringina í rættlag.