Sparingar raka nú Hamragarð í Vági

<p><a href="http://www.sudurras.fo/34606" target="_blank">Suðuroyarportalurin</a> skrivar, at sum skilst, er spart í reingerðini, og eitt starvsfólk varð í gjár sagt úr starvi. Stovnurin hevur fingið boð um at spara 60 tímar afturat um vikuna fyri at spara 700.000 kr.</p>

<p>Í brævi til fjølmiðlar í farnu viku vístu starvsfólk á, at frammanundan er røktin longu skorðin inn á bein, og at starvsfólkini eru stúrin um hvørjar umstøður, tey hava at bjóða eldru borgarunum.</p>

<p><strong>SÍ EISINI <a href="http://kvf.fo/greinar/2014/04/05/kokurin-letur-aftur-1-mai">Køkurin letur aftur 1. mai</a></strong></p>

<p>Í verandi løtu er reingerðingin minimal, ein náttarvakt er spard burtur, og allir ítrivstímar eru spardir burtur. Starvsfólkini hava fingið at vita, at einasta loysn er at steingja køkin í vikuskiftunum.</p>

<p>Matur til vikuskiftini skal sostatt vera klárur tíðliga fríggjadag, og hitast upp til leygardag og sunnudag. Jastrid Nielsen, leiðari á ellis- og røktarheiminum í Vági, hevur onga viðmerking, annað enn, at skalt tú spara, so rakar tað altíð onkran.</p>