Eldgos í Ekvador sendir út stór øskuskýggj

<p>Eitt av heimsins mest aktivu eldgosum, Tungurahua, 10 kilometrar sunnan fyri høvuðsstaðin í Ekvador, er byrjað at gera um seg, skrivar tíðindastovan Ritzau.</p>

<p>Íbúgvar í grannabygdum og býum eru óttafullir, tí teir óttast, at eldgosið fer at goysa og kann elva til stóran skaða í økinum kring aktivu vulkanina, fer hon at goysa.</p>

<p>- Júst nú er avmarkað, hvussu nógv øska kemur úr eldgosinum, sigur ein talsmaður fyri myndugleikarnar, eftir eina stóra spreinging, sum var í eldgosinum fríggjadagin.</p>

<p><strong>Fólk nokta at flyta burtur</strong></p>

<p>Fleiri bygdir og býir eru nærhendis Tungurahua-eldgosinum, ið er 5.029 metrar til hæddar. Mest hótti býuruin er Banos, ið eisini er vælumtókt ferðamál.</p>

<p>Myndugleikarnir í Ekvador hava givið boð um at allir íbúgvarnir skulu flytast burtur. Íbúgvarnir hava kortini ikki aktað boðini og eru ikki fluttir burtur.</p>

<p>Tungurahua-eldgosið í Ekvador hevur gjørt um seg við jøvnum millumbilum síðan 1999. Í 2006 lótu seks fólk lív, tá eldgosið í Ekvador fór at goysa.</p>