SEV fingið endaligt loyvi til vindmyllurnar

Vinnukærunevndin hevur sýtt fyri at taka kærumálið um vindmyllurnar í Húsahaga til viðgerðar av nýggjum

Nú er endaliga greitt, at SEV sleppur at seta 13 vindmyllur upp í Húsahaga.

04.07.2013 - 12:32

<div>Nú er endaliga staðfest, at SEV kann fara undir ætlanina um at byggja vindmyllulund í Húsahaga oman fyri Havnina</div><div><br></div><div>SEV sigur á heimasíðu síni, at Vinnukærunevndin hevur avgjørt at sýta umbønini frá smápartafelagnum Vindrøkt um at taka kærumálið til viðgerðar av nýggjum, tí grundarlag er ikki fyri tí. </div><div><br></div><div>Avgerðin hjá Vinnukærunevndini frá 27. mai, har Jarðfeingi gevur SEV loyvi til at byggja vindmyllulund í Húsahaga, er sostatt staðfest, sigur SEV. Ætlanin var, at vindmyllurnar skuldu setast upp í ár, men tað verður av ongum, tí kærumálið hevur drigið ætlanina út.</div><div><br></div><div>SEV ætlar at seta 13 vindmyllur upp í Húsahaga. </div><div><br></div><div><br></div><div><br></div><div><br></div><div><br></div><br>