- Tíðindi, mentan og ítróttur
1-1 móti Makedonia
<p>Føroyar komu á odda tá tíggju minuttir vóru farnir av seinna hálvleiki. Ein makedonskur verjuleikari leggur bóltin aftur til málverjan, men brádliga glíður málverjin, og so fer bólturin trillandi í málið.</p><div><br></div><div>Makedonia royndi eftir málið at leggja trýst á føroysku verjuna, uttan at tað eydnaðist so væl. Men tá minni enn eitt korter er eftir javnar Makedonia. Nestorovski javnaði við góðum langskoti.</div><div><br></div><div>Stutt fyri at vanliga leiktíðin var farin, fingu Føroyar ein gyltan málmøguleika. Hallur Hansson bleiv spældur púra fríur, men tíverri eydnaðist tað ikki, makedonski málverjin bjargaði.</div><div><br></div><div>Útvarpið tosaði eftir dystin við annan av venjarunum, Heðin Askham. Hann var sera væl nøgdur við føroyska avrikið: "Vit hava eitt gott lið, og eg eri sera væl nøgdur við tað teir vístu í dag. Eg ivist ikki í, at fleiri av hesum leikarunum skjótt fara at gera seg galdandi á A-landsliðnum, segði Heðin Askham".</div><div><br></div><div>Týsdagin spæla Føroyar aftur, tá er mótstøðuliðið Serbia.</div>
