Semingsroyndin miseydnaðist

DAGFØRT KL. 14.55

Semingsmaðurin hevur tveitt frá sær. Ov langt er ímillum Fíggjarmálaráðið og sjúkrarøktarfrøðingarnar til yvirhøvur at fara í gongd við at skriva eitt semingsuppskot at leggja fyri partarnar.

- Vit hava endað semingsroyndina uttan at leggja semingsuppskot fyri partarnar. Tað er so langt ímillum partarnar, at tað snøgt sagt er ómøguligt at orða eitt semingsuppskot, sum vit kunnu arbeiða víðari við, sigur Terje Sigurðsson, semingsmaður, sum ikki vil gera fleiri viðmerkingar.

Tað hevur enn ikki eydnast okkum at fáa fatur á Óluvu í Gong, forkvinnu í Felagnum Føroyskir sjúkrarøktarfrøðingar.

Ruth Vang, landsstýriskvinna í fíggjarmálum, vil ikki gera viðmerkingar til málið í løtuni. Hon sigur, at nú fara tey at viðgera støðuna nærri í Fíggjarmálaráðnum.