Ullarmóttøkan tók ímóti 34 tonsum av ull

Ullarmóttøkan á Búnaðarstovuni í Kollfjarðadali tók í summar í móti 34 tonsum av ull.

Tað er nett sama nøgd, sum í fjør. 

28,5 tons av ullini fóru í 1. flokk, 2,4 tons í annan flokk og góð 3 tons vóru koyrd burtur.

Nú verður uppboðssølan av ullini fyrireikað. 

Ullin er býtt í litir, og í ár fóru 8 tons í hvítt, 6 tons í ljósagrátt, sløk 5 tons í myrkagrátt, 1,5 tons í ljósamorreytt, sløk 2 tons í svart og morreytt, og 6,3 tons av ullini eru blandað.

Í fjør seldi Búnaðarstovan alla ullina, - hon varð seld trimum fyritøkum.

Í 2021 var størsti parturin av ullini seldur til Onglands.

Uppboðssølan verður tíðliga í heyst.