Sí myndirnar: Nýggja Havnará hugtekur havnarfólk

Í morgun kundu havnarfólk síggja nýggju Havnará, sum nógv speirekandi kalla Omaná. 

Orsøkin er, at nýggja, eftirgjørda áin í Havn liggur oman á gomlu Havnará, sum seinastu 100 árini stigvíst er løgd undir lok. 

Men í góðveðrinum í dag tók hon seg væl út, nýggja Havnará.

Myndir: Bjarni Árting Rubeksen

Havnará

Heðin Mortensen, borgarstjóri, skoðar nýggju Havnará saman við havnarfólki. 

Havnará

Tað er J & K Petersen, sum hevur staðið fyri arbeiðinum, og væl er frágingið, má sigast. 

Havnará

Havnarfólk, ið kanska mintust gomlu Havnará, nýttu í góðveðrinum í dag høvið at fara framvið og síggja nýggju Havnará.

Lagið var gott, og tað bleiv ikki verri av, at MC Restorff bjóðaði karamellur. 

Havnará

Havnarfólk vóru eyðsæð hugtikin av nýggju Havnará, sum dúgliga bleiv avmynda í dag.

Havnará

Gamla Havnará hevur ikki verið at sæð í miðbýnum síðani miðskeiðis í fimtiárunum, og havnarfólk tóktus fegnast um, at tað aftur rennur vatn í miðbýnum.  

Havnará

Børnin tók alt fyri eitt nýggju Havnará til sín. 

Havnará

Meðan summi børn vassaðu í ánni og onnur hoppaðu eftir steinunum, so lótu uppaftur onnur børn seg hugtaka av sínari egnu spegilsmynd í ánni. 

Havnará

Nógv av teimum havnarfólkum, ið hava verið ímóti nýggju, eftirgjørdu Havnará, máttu ásanna, at tey eru hálsað um, nú tey sóu úrslitið.  

Havnará

Vaglið í Havn hevur fingið nýtt lív, og Havnin hevur fingið eitt nýtt býarrúm. 

Havnará

Í morgin, leygardagin 22. juli, verður hátíðarhald á Vaglinum í sambandi við, at verkætlanin Havnará er liðug. 

Havnará

Tiltakið byrjar klokkan 10.00 við framsýning í Snarskivuni, har Lív Arge Simonsen vísur gamlar myndir av Havnará og umhvørvinum kring ánna. 

Eisini verður tónleikur, røður og morgunmatarborð.

Sí skránna her.