Watson er í føroyskum øki

Í løtuni er hann staddur góðar 30 fjórðingar í ein útsynning úr Akrabergi.

Skipið hevur IKKI beina kós móti 12 fjórðinga markinum, men siglir við umleið 9 míla ferð í ein høgan útnyðring.

Høgni Hoydal, landsstýrismaður í uttanríkismálum, setti í gjár skipinum forboð ímóti at koma inn um 12 fjórðinga markið.

Vørn hevur IKKI heimild at handhevja hetta forboð, tí VØRN hevur bert loyvi til at hava fiskiveiðieftirlit og at bjarga, og John Paul de Joria er hvørki fiskiskip ella í havsneyð.

Vit vita tó, at Tjaldrið er farið suður ímóti John Paul de Joria við einum løgreglumanni umborð, og at hetta ger tað til eitt løgregluskip, sum hevur heimild at forða skipinum hjá Watson at koma inn um markið. Tjaldið hevur sløktan AIS sendara, so ikki ber til at síggja, hvar Tjaldri er statt í løtuni.

Danska sjóverjuskipið Hvidbjørnen siglir millum oyggjarnar, og sambært Forbindelseselement Færøerne, er Hvidbjørnen enn ikki partur av málinum.