- Tíðindi, mentan og ítróttur
Vága floghavn: Vænta nýtt met í ár
Vága floghavn: Vænta nýtt met í ár
Higartil í ár eru 147.000 ferðafólk komin og farin um flogvøllin
Væntandi vera ferðafólkini, sum koma og fara um flogvøllin, 440.000 í ár, og tað verður nýtt met. (Savnsmynd: Bjarni Árting Rubeksen)
06.06.2023 - 11:00
Ferðafólkatalið á flogvøllinum til 1.juni var størri í ár enn tað var í 2019, sum annars er metár higartil.
Tað var 2,5 prosent størri.
Í 2019 vóru 143.356 ferðafólk. Tey vóru 147.009 í ár.
Í mai vóru ferðafólkini 11,9 prosent fleiri enn í 2019.
Og tey vóru eisini fleiri enn í mai í fjør, sum annars var tann besti mai til ferðafólk higartil.
Ferðafólkini vóru fýra prosent fleiri í mai í ár.
Væntandi vera ferðafólkini 440.000 í ár, sigur Regin I. Jakobsen, stjóri í Vága floghavn.
Tað fer at gera 2023 til metár.
Er kopiera
Nýggjastu sendingar í ÚV
