Framherji fær vinningsbýti í Tjaldri

Framherji tryggjaði sær vinningsbýti í Tjaldri, tá Framherji keypti partabrøvini hjá landinum í Tjaldri.

Framherji fær pengarnar, sum landskassin kanska annars hevði fingið.

Tað veldst um, nær vinningsbýtið verður goldið, um nakað er.

Tjaldur hevði aðalfund í februar.

Partabrøvini, sum eru 2,8 prosent, áljóðandi 2,8 av 100 milliónum, eru keypt fyri 16 milliónir og 121.000 kr. 

Í keypssáttmálanum stendur, at Framherji skal hava møguligt vinningsbýti, sum verður goldið frá 1.januar í ár, til yvirtøkudagin 6. mars.

Í fjør var vinningsbýtið hjá Tjaldri fyri roknskaparárið 2021 tilsamans 25 mió. kr.