Rennandi systkini Holm

Tey runnu áðrenn renning fanst í Føroyum.

Systkinini, Borgarhjørt og Hallur Holm, hava lagt nógvar túsundtals metrar afturum seg, síðan tey lótu seg í renniskógvarnar einaferð í áttatiárunum. 

Og tey bæði eru framvegis virkin.

 - Renningin gevur mær nakað fantastiskt. Tær góðu upplivingarnar, sum fylgja við, og tað sosiala. Fyri meg er tað nærum religión, sigur Borgarhjørt.

 - Vit hava runnið, síðan áðrenn renning fanst í Føroyum. Breytin á Toftum kom í 1989, og eftir tað var eitt óalment FM hildið. Árið eftir var FM hildið fyrstu ferð, og tá blivu Borgarhjørt og eg bæði føroyameistarar á 10.000 metrum, fortelur Hallur Holm.

holm_mynd_2.jpg