Av sjúkrahúsinum í Kringvarpið

Hann játtaði at vera stjóri á Landssjúkrahúsinum í fimm ár, men longu tvey ár seinni vil hann vera kringvarpsstjóri.

Johnny í Grótinum vísir aftur, at hann rennur undan trongu umstøðunum á Landssjúkrahúsinum.

Sirið Stenberg, landsstýriskvinna, ætlaði, at Johnny í Grótinum skuldi vera ovasti leiðari fyri sjúkrahúsini, sum nú verða løgd saman í eina felags leiðslu.

Heilsumálaráðið skal nú finna annan leiðara fyri landssjúkrahúsið, men tað er ikki vist, at nýggi stjórin eisini skal verða ovasti stjóri fyri alt sjúkrahúsverkið.