»Takið støðu um skúlarnar í Havn sum skjótast«

Takið eina støðu um skúlarnar í Havn sum skjótast!

So greið er forkvinnan í skúlastýrinum fyri Tórshavnar kommunuskúla í Havn, Hansina Iversen.

Saman við restini av skúlastýrinum vil hon hava at vita, hvar børn teirra fara at ganga í skúla í framtíðini.

Helena Dam á Neystabø, forkvinna í mentamálanevndini í býráðnum, sigur, at ein bólkur skal setast at gera tilmæli til eina skúlaloysn seinni í vár.

Bólkurin sum verður settur, skal koma við einum tilmæli til eina fyribilsskúlaloysn ella eina varandi skúlaloysn áðrenn skúlabyrjan 2014.