Livebloggur: Zelenskyj lendur í Bretlandi

Volodymyr Zelenskyj og Keir Starmer, bretskur forsætisráðharri hittast í Downing Street seinnapartin í dag, eftir nógv umtalaða fundin í Washington í gjár. 

Fyri løtu síðani lendi ukrainski forsetin í Stórabretlandi. Fundurin, sum ikki skuldi vera fyrenn í morgin er framskundaður ein dag.

Ætlanin var, at Zelenskyj og Starmer skuldu fundast í morgin.

__________________________________________________

Í løtuni standa miðlafólk og onnur uttan fyri dyrnar til Downing Street 10, og bíða eftir ukrainska forsetanum. 

screenshot_2025-03-01_at_16.04.39.png

Sambært talsfólki hjá Downing Street hevur Starmer enn ikki viðmerkt fundin millum Zelenskyj, Donald Trump, forseta og J.D. Vance varðaforseta í gjár. 

Tó hevur Starmer tosað í telefon við bæði Trump og Zelenskyj, eftir fundin. Tað skrivar bretska kringvarpið.

Í morgin hittast evropeisku stjórnarleiðararnir eftir avtalu at viðgerða ein enda á krígnum millum Ukraina og Russland.

Greinin verður dagførd...