Pilou Asbæk verður høvuðsleikari í føroyskum ræðufilmi

42 ára gamli Pilou Asbæk er kendur frá sjónvarpsrøðunum "Borgen" og "Game of Thrones", og filmum sum danska "R" og franska "Lucy", har hann spælir saman við Scarlett Johansson. 

Men næstu vikurnar verður hann í Føroyum, tí hann hevur høvuðsleiklutin í nýggja føroyskt/danska-ræðufilminum "No Rest for the Wicked", sum gongur fyri seg í Føroyum í 1800-talinum. 

Tað boðar hann sjálvur frá á sínum instagram-vanga.

"Simpelthen so errin av at vera partur av hesum stórfingna kærleiksdrama. Upptøkurnar eru júst byrjaðar í Føroyum í vindi, regni og sól millum eina rúgvu av seyði. Hetta er upp á allar mátar ein sermerk uppliving. Eg vænti, at filmurin blívur nakað serligt. Vit fara í øllum førum at gera okkara til, at soleiðis verður," skrivar Pilou Asbæk á Instagram. 

 

 

 

 

View this post on Instagram

 

 

 

 

 

 

 

 

 

 

 

A post shared by Pilou Asbæk (@pilouasbaek)

Kendir føroyingar eisini við

Umframt Pilou Asbæk so eru nógvir kendir føroyskir sjónleikarar eisini við, eitt nú Sofía Nolsøe, Kjartan Hansen og Búi Dam.

Í filminum vera eisini føroyingar, ið vit kenna frá øðrum listagreinum, men ikki hava sæð á filmi áður, eitt nú føroyska mannliga toppmodellin Jegor Venned, ið hevur ein stóran leiklut í "No Rest for the Wicked", og Helena Heinesen Rebensdorf, ið vit kenna betur sum Brimheim, er eisini við í filminum. 

Leikstjóri verður Kasper Kalle, meðan leikritið hevur Rasmus Birch skrivað. Danski framleiðarin av filminum er Lars Bredo Rahbek, ið eisini eigur hugskotið til filmin. 

Føroyski framleiðarin av filminum, Jón Hammer frá felagnum Kykmyndir, greiddi frá verkætlanin í Degi og viku. 

Framleiðslan av No Rest for the Wicked byrjar í dag og heldur fram í seks vikur.