Kamala Harris: Ov nógv sivil eru deyð í stríðnum millum Ísrael og Hamas

Tað hevur verið spenningur um, hvørja støðu Kamala Harris hevur til stríðið í Gasa, og eftir fundin við Netanyahu gjørdi hon greitt, at hon metir støðuna vera sera álvarsliga

Benjamin Netanyahu, ísraelski forsætisráðharrin, og Kamala Harris, amerikanskur varaforseti og valevni hjá demokratunum, hittast fyrstu ferð

Mynd: Ritzau / Scanpix

Emil Lisberg Jacobsen

26.07.2024 - 09:37

Amerikanski varaforsetin Kamala Harris, sum sannlíkt verður forsetavalevni hjá Demokratunum í heyst, var í gjár á fundi við ísraelska forsætisráðharran Benjamin Netanyahu, sum í hesum døgum er á vitjan í USA.

Tað hevur verið spenningur um, hvørja støðu Kamala Harris hevur til stríðið í Gasa, og eftir fundin við Netanyahu gjørdi hon greitt, at hon metir støðuna vera sera álvarsliga.

Kamala Harris

Mynd: Ritzau/Scanpix

1687686

"Vit kunnu ikki hyggja burtur frá hesum sorgarleikunum, vit kunnu ikki loyva okkum sjálvum ikki at verða ávirkað av hesi líðingini, og eg fari ikki at tiga", segði Kamala Harris og vísti eisini á, at alt ov nógv ósek sivilfólk eru deyð.

Hon segði, at Ísrael sjálvandi hevur rætt til at verja seg sjálvt, men at atlit skulu takast til sivila fólkið í Gasa, og at tað er alneyðugt, at ein friðaravtala kemur í lag millum Ísrael og Hamas.