Føroya Tele: Nýggi stjórin nevndarformaður í dótturfeløgum

Føroya Tele hevur valt nýggjar nevndarlimir í fleiri av dótturfeløgunum.

Øll nevndin í partafelagnum Shefa, sum eigur og rekur fjarskiftiskaðalar, teirra millum Shefa-2, Cantat-3 og Hronn, er skift.

Annbritt Fríða Stenholm Tummasdóttir Andersen er sambært Skrásetingini farin frá sum nevndarforkvinna. Eisini eru Ata Jacobsen og Óli M. Hansen farin úr nevndini.

Nýggj í nevndini eru Kristian Reinert Davidsen, sum er nýggjur nevndarformaður, og Jóna Olsen og William Joensen, sum taka við sum nevndarlimir. 

FT Samskifti

Eisini í partafelagnum FT Samskifti er øll nevndin skift.

FT Samskifti hevur sum endamál at reka fjarskiftiskervi og fjarskiftistænastur.

Úr nevndini eru farin Hans Jákup Langgaard, Helga á Borg og John Eyðstein Johannesen. 

Í teirra stað er William Joensen komin í nevndina.

Umframt William Joensen er nevndin í FT Samskifti mannað við Báru Manbjørnsdóttir Gásadal, sum er nevndarlimur, og Kristian Reinert Davidsen, sum er nevndarformaður. 

Kristian R. Davidsen, Kristian Reinert Davidsen

Kristian Davidsen, sum aftur hevur tikið við sum stjóri í Føroya Tele, er eisini nevndarformaður í fleiri dótturfeløgum hjá fyritøkuni. 

Televarpið

Partafelagið Televarpið hevur eisini framt broytingar. 

Lena L. Mohr, forkvinna, og Eva Skeel Nolsøe eru farnar úr nevndini. 

Kristian Reinert Davidsen er nýggjur nevndarformaður, og William Joensen er nevndarlimur. 

NET

Í partafelagnum NET, sum umsitur fjarskiftiskervi, er Símun Skaalum komin í nevndina fyri Johnni Meinhard Poulsen.