Uppskot um verjusemju fall

Uppskotið hjá Sambandsflokkinum um verjusemju fall í løgtinginum í gjár.

Uppskotið fekk átta atkvøður, Jenis av Rana í Miðflokkinum atkvøddi eisini fyri.

Hin tingmaðurin hjá Miðflokkinum, Steffan Klein Poulsen, var ikki í løgtinginum.

Sambandsflokkurin hevði uppskot til samtyktar um, at landsstýrið ger frágreiðing til uttanlandsnevndina um, hvørji ítøkilig stig kunnu takast, sum styrkja verjuna og trygdina í Føroyum og Norðuratlantshavinum.

Flokkurin heldur, at landsstýrið eigur at samráðast við tey, sum hava ábyrgdina av verjupolitiska økinum, heldur enn at sita hendur í favn og bíða eftir, hvørjum danska stjórnin kemur við.