Umrøða kapellið við bisp

Samfelag

Ætlanin hevur annars verið at lata kapellið uppaftur, sigur stjórin á Landssjúkrahúsinum

Kapellið á Landssjúkrahúsinum hevur verið stongt í hálvt triðja ár, men ætlanin hevur verið at lata tað uppaftur.

Sára Jógvansdóttir

30.11.2022 - 13:30

Leiðslan á Landssjúkrahúsinum hevur ikki havt ætlanir um at steingja kapellið.

Tað sigur Steinar Eirikstoft, stjóri á landssjúkrahúsinum.

Hann sigur, at kapellið hevur verið afturlatið í hálvt triðja ár. Fyrst vegna koronu og síðani vegna umbyggingar, sum hava samband við samanbyggingina við nýggja H-bygningin.

Steinar Eirikstoft

Steinar Eirikstoft er stjóri á Landssjúkrahúsinum.

- Ætlanin hevur verið at lata kapellið uppaftur, men eftir at hava hoyrt málið umrøtt í útvarpinum í gjár, hava vit í morgun sett okkum í samband við bisp um at gera eina ætlan fyri framtíðina av kapellinum, sigur sjúkrahúsleiðslan.

Jógvan Fríðriksson, bispur, heldur, at lítil tørvur er á kapellinum á Landssjúkrahúsinum til jarðarferðir.

Hann segði soleiðis í útvarpinum í gjárkvøldið:

30112022_Bispur_um_kapell