Hitin í sjónum kann avmarka vistfrøðina

- Hitin í sjónum kann avmarka, hvussu nógv vistskipanin tolir. Men við einum burðardyggum veiðutrýsti ber til at bjarga nógvum.

Tað sigur Petur Steingrund, fiskifrøðingur á Havstovuni.

Í fyrilestri í gjár greiddi hann millum annað frá, hvørjar avleiðingar kunnu standast av øktum hita í sjónum, og um hetta fer at raka fiskasløgini, sum vit føroyingar hava liva av í øldir. 

fiskur, toskur, fiskalandingar, avreiðingar

Nú stendur betur til við toskastovninum á Føroyabanka, sigur Havstovan. (Savnsmynd: Bjarni Árting Rubeksen)

Bankatoskurin um at koma fyri seg aftur

Havstovan skrivar í dag, at nakað bendir á, at toskurin á Føroyabanka møguliga er í ferð við at koma fyri seg aftur. 

Tað gevur seinasta yvirlitstrolingin hjá Jákupi Sverra, sum verður gjørd á hvørjum heysti, ábendingar um.

Væl meira var at fáa av toski enn undanfarin ár, og talan er um tosk í øllum støddum.

Tað samsvarar við úrslitini frá yvirlitstrolingini um várið, har meira hevur verið at fingið av toski síðan 2020. 

Sostatt eru tekin um, at toskurin á Føroyabanka møguliga er í ferð við at koma fyri seg aftur, eftir at toskastovnurin fór niður í nærum einki í 2006.

Friðing varð sett í verk í 2008, og hýsan kom fyri seg í 2017. 

Eisini vaks nøgdin av longu og havtasku nógv um hetta mundið, skrivar Havstovan.