Jenis av Rana: "Eg havi fult álit á skúlastjóranum í Vestmanna skúla"

Jenis av Rana: "Eg havi fult álit á skúlastjóranum í Vestmanna skúla"
Hóast eingin tímatalva var klár til skúlaársbyrjan og stór ónøgd er á skúlanum, so hevur landsstýrismaðurin í mentamálum fult álit á skúlastjóranum í Vestmanna skúla
Jenis av Rana, landsstýrismaður í mentamálum, hevur fult álit á skúlastjóranum í Vestmanna súla, nú fullkomin ruðulleiki valdar á skúlanum
Mynd: Bjarni Árting Rubeksen  
 
18.08.2022 - 17:10

Mánadagin gav skúlastjórin í Vestmanna skúla, Alis Højsted, varaskúlastjóranum, Fríðgerð Ovadóttir, ætlanarskriv um uppsøgn. 

Í gjár, mikudag, varð skúlastjórin sjálv sjúkrameldað, og Vestmanna skúli stóð brádliga uttan leiðslu beint áðrenn skúlaársbyrjan.

Tí var Eyðdis Eidesgaard, fulltrúi úr Undirvísingarstýrinum, sett sum fyribils skúlastjóri í tvær vikur.

 

Skúlastjórin fær fullan stuðul

Støðan í Vestmanna skúla er bara fyribils, sigur Jenis av Rana, landsstýrismaður í mentamálum. 

Landsstýrismaðurin í mentamálum hevur fult álit á skúlastjóranum í Vestmanna, Alis Højsted, hóast eigin tímatalva var klár til skúlaársbyrjan í morgun, og meginparturin av lærarunum eru ónøgdir við hennara leiðsluhátt. 

 

Jenis_av_Rana_um_Vestmanna_skula_1_18082022

 

Jenis av Rana skilir væl, at skúlastjórin í Vestmanna hevði tørv á at hvíla seg í nakrar dagar oman á alt rokið, men landsstýrismaðurin í mentamálum ivast ikki í, at sjúkrameldaði skúlastjórin fer aftur til arbeiðis um tvær vikur. 

Landsstýrismaðurin staðfestir, at skúlastjórin, Alis Højsted, fær sín fulla stuðul, og hann vónar, at friður aftur valdar í Vestmana skúla um tvær vikur, tá skúlastjórin fer aftur til arbeiðis. 

 

Tímatalvan ikki klár fyrr enn mánadagin

Støðan í Vestmanna skúla er tann, at leiðslan í Vestmanna skúla hevur enn ikki lagt tímatalvuna, og tí verður tað ikki fyrr enn mánadagin, at næmingarnir fáa at vita, hvussu skúlavikan er skipað, og hvørjar lærara tey fara at hava í ymsu lærugreinunum. 

Føroya Lærarafelag hevur sent miðlunum eitt opið bræv, har tey átala viðgerðina hjá Undirvísingarstýrinum í málinum um starvsfólkaviðurskiftini í Vestmanna skúla. 

Jacob Eli Olsen, formaður í lærarafelagnum, átalar í brævinum, at Undirvísingarstýrið ikki hevur hoyrt starvsfólkini ella varaskúlastjóran á Vestmanna skúla, tá tey viðgjørdu kæruna frá starvsfólkunum um skúlastjóran.

"Tað er ikki góður fyrisitingarsiður, at allir partar í einum máli ikki verða hoyrdir um viðurskifti, sum beinleiðis viðvíkja teimum," skrivar Jacob Eli Olsen í brævinum.

Hjalmar Hansen, stjóri í Undirvísingarstýrinum, sigur seg onga viðmerking til málið. 
 

Er kopiera
Nýggjastu sendingar í ÚV
Fríggjadag 31. januar
Góðan morgun Føroyar
187138
Fríggjadag 31. januar
RagnarRokk: Matthew Sutton um Love
187135
Fríggjadag 31. januar
Morgunlestur fríggjadagur 31.januar 2025
186660
Hósdag 30. januar
RagnarRokk 30.januar 2025
185774
Nýggjastu sendingar í SV