Landsstýrismaður: Suðuroyingar mugu klára seg við Herljolfi III

1.041 suðuroyingar krevja hóskandi avloysaraskip fyri Smyril og at fyrireikingararbeiðið til suðuroyartunnilin skal byrja í ár, men lítið røkist fyri, at krøvini vera møtt

Undirskriftirnar verða handaðar Una Rasmussen, landsstýrismanni í samferðslumálum

Mynd: Petur Kristinn Vang

Petur Kristinn Vang

15.08.2022 - 17:08

1.041 talgildar undirskriftir vórðu í dag handaðar Una Rasmussen, landstýrismanni í samferðslumálum.

Í innsavningini av undirskriftum vóru tvey krøv orðaði: at eitt hóskandi avloysaraskip skal finnast fyri Smyril, og at fyrireikingararbeiðið viðvíkjandi suðuroyartunnilinum skal byrja í ár.

Fróði Mortensen er stigtakara í áhugabólkinum fyri betran av suðuroyarleiðini, og hann handaði Una Rasmussen undirskriftirnar á Tinganesi seinnapartin í dag.

Undirskriftir_Frodi_Mortensen

Uni Rasmussen vildi tó ikki geva suðuroyingunum nøkur lyfti ella at gera nágreiniligar viðmerkingar til, um krøvini hjá suðuroyingum verða avspeglað í komandi fíggjarlóg.

Undirskriftir_Uni_Rasmussen

Fíggjarlógaruppskotið skal berast í løgtingið í seinasta lagið 1. oktober.