- Tíðindi, mentan og ítróttur
Fimm fólk og eitt felag hava keypt fastogn
Fimm fólk og eitt felag hava keypt fastogn
Nýggja lógin forðar fyri, at útlendingar keypa ov nógv hús í Føroyum uttan at hava persónligt ella vinnuligt tilknýti her.

Lógin um útlendingar og fastogn í Føroyum kom í gildi í desember í fjør.
01.08.2022 - 08:44
Fimm fólk og eitt felag hava fingið loyvi frá landsstýrinum til keypa fastogn í Føroyum sambært lógini, sum kom hálvan desember í fjør.
Meginreglan í teirri lógini er, at fólk og feløg, sum ikki hava havt fastan bústað í danska ríkinum í samanlagt fimm ár, skulu hava loyvi frá landsstýrinum, ætla tey at keypa hús í Føroyum.
Lógin skal forða fyri, at útlendingar keypa ov nógv hús í Føroyum uttan at hava persónligt ella vinnuligt tilknýti til Føroya.
Men lógin skal eisini tryggja, at ikki vera settar óneyðugur forðingar fyri útlendskum vinnuvirksemi í Føroyum, virksemi, sum er føroyska samfelagnum at gagni.
Nýggjastu sendingar í ÚV
Nýggjastu sendingar í SV