Tvey ársverk skulu til fyri at gera teknmálsorðabókina lidna

Tvey ársverk skulu til fyri at gera teknmálsorðabókina lidna
Tað kostar tvey ársverk at fáa teknmálsorðabókina lidna, og tá hon er liðug, krevst eitt ávíst viðlíkahald, staðfestir landsstýrismaðurin í mentamálum
Krevur tvey ársverk at gera teknmálsorðabókina lidna
Mynd: Savnsmynd (Bjarni Árting Rubeksen)  
 
11.07.2022 - 09:39

Higartil er so at siga alt arbeiðið við teknmálsorðabókini sjálvboðið og ólønt.

Tá orðabókin byrjaði, játtaði NordPlus tvær mánaðarlønir.

Og í 2017 var starvsløn í tríggjar mánaðir játtað.

Tað sigur Jenis av Rana, landsstýrismaður, í svari til Bjørt Samuelsen, løgtingskvinnu, sum spurdu um teknmálsorðabókina.

(Mynd: Bjarni Árting Rubeksen)

 

Ókeypis atgongd

Játtanin til orðabókagerð er seinastu árini burturav farin til at gjalda fyri, at øll hava ókeypis atgongd til netorðabøkurnar, sum eru á heimasíðuni hjá Sprotanum. 

Landsstýrismaðurin hevur hækkað játtanina 450.000 kr. í ár, so møguligt er at søkja um stuðul til orðabókagerð og til at gera orðabøkur tøkar á netinum. 

Lógin um Málráðið sigur, at tað skal røkja, menna og verja føroyska teknmálið.

100.000 kr. til teknmálið

Ein partur av játtanini hjá Málráðnum, 100.000 kr., fer til at menna teknmálið, sigur landsstýrismaðurin.  

Hann sigur, at hann fer saman við Málráðnum og øðrum, sum varða av teknmáli, at kanna, hvussu vit best tryggja, at teknmálsorðabókin fær betri sømdir og kann fullførast og mennast.

Er kopiera
Nýggjastu sendingar í ÚV
Fríggjadag 31. januar
Vikuskiftið 31 januar 2025
187158
Fríggjadag 31. januar
Góðan morgun Føroyar
187138
Fríggjadag 31. januar
RagnarRokk: Matthew Sutton um Love
187135
Fríggjadag 31. januar
Morgunlestur fríggjadagur 31.januar 2025
186660
Hósdag 30. januar
RagnarRokk 30.januar 2025
185774
Nýggjastu sendingar í SV
Fríggjadag 31. januar
Veðrið
187155
Hósdag 30. januar
Heim, kæra heim 2:3
187109