Semingsroyndin byrjar mánadagin

Semingsroyndin byrjar mánadagin
Semingsmenninir tosaðu við arbeiðarafeløgini í gjár, og seinnapartin í dag fara teir at tosa við arbeiðsgevararnar
Semingsmenninir fara undir seming millum arbeiðsgevararnar og fýra arbeiðarafeløg mánamorgunin.
Mynd: Bjarni Árting Rubeksen  
 
20.05.2022 - 11:40

Semingsstovnurin fer mánamorgunin undir at royna at finna semju ímillum arbeiðarafeløgini og arbeiðsgevararnar.

Tað sigur Terje Sigurðsson, semingsmaður.

Semingsmenniniur tosaðu við arbeiðarafeløgini í gjár, og seinnapartin í dag fara teir at tosa við arbeiðsgevararnar.

Og so er klárt at fara undir samráðingar mánamorgunin.

Tá ið samráðingarnar við tey fimm arbeiðarafeløgini byrjaðu í apríl, samráddust øll arbeiðarafeløgini saman. 

Men sum samráðingarnar gingu, komu boð um, at arbeiðarafeløgini vóru farin sundur í tveir bólkar, og Havnar Arbeiðskvinnufelag ikki longur var partur av samráðingunum hjá hinum fýra feløgunum, boðaði Vinnuhúsið frá í vikuni.

Langt millum partarnar

Terje Sigurðsson sigur, at samráðingarnar mánadagin vera saman við hinum fýra feløgunum og arbeiðsgevarunum. Samstundis er er ætlanin at royna seming millum Havnar Arbeiðskvinnufelag og arbeiðsgevarafelagið.

Terje Sigurðsson sigur, at langt er ímillum partarnar.

Høvuðsorsøkin til tað er ivaleyst, at viðurskiftini í samfelagnum er nógv broytt seinastu tíðina. M. a. er inflatiónin nógv vaksin, og rentan er hækkandi.

Tí væntar Terje Sigurðsson, semingsmaður, at talan kann gerast um torførar samráðingar millum Føroya Arbeiðsgevarafelagið og arbeiðarafeløgini.

Sáttmálarnir hjá fýra av arbeiðarafeløgunum og arbeiðsgevarafelagið eru longdir til á midnátt mánakvøldið, og sáttmálin millum Havnar Arbeiðskvinnufelag og arbeiðsgevararnar er longdur til á midnátt mikukvøldið.


 

Er kopiera
Nýggjastu sendingar í ÚV
Fríggjadag 18. apríl
Guðstænasta í Kvívíkar kirkju
190857
Hósdag 17. apríl
Jesu líðingarsøga - Langi fríggjadagur
190849
Hósdag 17. apríl
Jesu líðingarsøga - Skírisdagur
190847
Hósdag 17. apríl
Áður enn eg ljósið sá
190844
Hósdag 17. apríl
Vinur mín í vínlandi
190832
Nýggjastu sendingar í SV
Fríggjadag 18. apríl
Knútsfagnaður
190859
Fríggjadag 18. apríl
Eftir Vørðunum
190772
Fríggjadag 18. apríl
Guðstænasta úr Kvívíkar kirkju
190856
Hósdag 17. apríl
Útilív (5:6)
190791
Hósdag 17. apríl
Guðstænasta úr Miðvágs kirkju
190835