- Tíðindi, mentan og ítróttur
Útflyta minni til Russlands, men meira til onnur evropeisk lond
Útflyta minni til Russlands, men meira til onnur evropeisk lond
Í mars í ár fór eingin alifiskur úr Føroyum til Russlands, bara uppsjóvarfiskur, men tann útflutningurin er minkaður nógv
Útflutningurin av uppsjóvarfiski til Russlands er nógv minkaður.
Mynd: Savnsmynd
06.05.2022 - 10:13
Útflutningurin til Russlands minkaði nógv í mars, vísa nýggjastu tølini, sum Hagstovan hevur kunngjørt.
Hann var 74 milliónir krónur. Í mars í fjør var útflutt til Russlands fyri 217 milliónir krónur.
Í mars í ár fór eingin alifiskur úr Føroyum til Russlands, bara uppsjóvarfiskur, men tann útflutningurin er minkaður nógv.
20 mió. kr. í olju
Í mars keyptu russisk skip olju fyri 20 mió. kr. í Føroyum.
Men útflutningurin til onnur lond í Evropa vaks í mars.
Hann var 740 milliónir krónur. Í mars í fjør var hann 445 milliónir krónur.
Ongantíð áður er so nógv útflutt til Evropa í einum mánaði.
Er kopiera
Nýggjastu sendingar í ÚV
Nýggjastu sendingar í SV
