Jenis: Miðnámsskúlarnir hava yvirhøvur dugað væl at halda tilmælini

bannari
Jenis: Miðnámsskúlarnir hava yvirhøvur dugað væl at halda tilmælini
Miðnámsskúlarnir hava yvirhøvur dugað væl at halda tilmælini frá myndugleikunum í sambandi við koronu, sigur landsstýrismaðurin í skúlamálum
Mynd: Bjarni Árting Rubeksen  
 
19.11.2021 - 14:47

Jenis av Rana, landsstýrismaður í skúlamálum, rósar miðnámsskúlunum fyri handfaringin av koronustøðuni.

Hann hevur svarað Hervør Pálsdóttir, løgtingskvinnu, sum spurdi um fráveru hjá næmingum á miðnámi.

Síðani korona tók seg upp, hava miðnámsskúlarnir skipað fyri undirvísing talgilt fyri næmingar, ið eru heima, tí teir hava koronu, ella eru settir í sóttarhald, samstundis sum vanliga undirvísingin er.

Sostatt hevur næmingurin ikki verið fráverandi frá undirvísing, hóast hann hevur verið við hús vegna smittu ella í sóttarhaldi. 

Men er næmingur, tí viðkomandi hevur koronu, ikki nóg birgur ar fylgja við undirvísing á t.d. Teams, verður tað skrásett sum frávera, sigur Jenis av Rana, landsstýrismaður í mentamálum. 

 

Skrivlig avrik skulu latast inn

Kravd skrivlig avrik skulu latast inn rættstundis í øllum skúlum, hóast koronusmittu ella sóttarhald, men næmingur kann fáa nýggja innlatingarfreist, um næmingurin ikki megnar at halda freistina fyri innlating.

Sjúkraundirvísing kann verða sett í verk, um sjúkrafráveran er longur enn 15 dagar.

Jenis av Rana sigur, at koronutilmælini eru broytt nakrar ferðir, og tað er hvør einstakur skúli í samstarvi viið landslæknan og heilsufakliga bólkin, sum tekur støðu til tiltøk í sambandi við smittufyribyrging.

Skúlarnir eru ymiskir, og tað kunnu vera avbjóðingar at halda tiltmæli um fjarstøðu, tí hølisviðurskiftini eru ymisk.

Men sum heild heldur landsstýrismaðurin, at skúlarnir hava dugað væl at halda tilmælini frá myndugleikunum. 

Er kopiera
Nýggjastu sendingar í ÚV
Hósdag 17. apríl
Jesu líðingarsøga - Skírisdagur
190847
Hósdag 17. apríl
Áður enn eg ljósið sá
190844
Mikudag 16. apríl
Mono - Passions Just LIke Mine (5:5)
190823
Mikudag 16. apríl
LEITISSTEIN 15.04.25
190811
Nýggjastu sendingar í SV
Hósdag 17. apríl
Guðstænasta
190846
Hósdag 17. apríl
Guðstænasta úr Miðvágs kirkju
190835
Týsdag 15. apríl
Veðrið
190770
Týsdag 15. apríl
Dagur og vika
190805
Leygardag 12. apríl
Sement 2025: 2.umfar (2:3)
190653