Breddin: Ísrael/Gaza og vantandi arbeiðsmegi

Fleiri enn 200 sivilfólk eru higartil deyð í stríðnum millum Ísrael og Hamas, sum kyknaði fyri meira enn viku síðani. Túsundstals rakettir eru farnar um markið úr Gaza til Ísraels, meðan ísraelskar bumbur hegla niður yvir Gazageiran úr ísraelskum stríðsflogførum.

Vit fara aftur um søguliga stríðið millum partarnar, men vit frætta eisini tað nýggjasta úr Ísrael og hoyra millum annað, hvat tað var, sum hendi um vikuskiftið, tá ísraelska hervaldið boðaði frá, at  tað hevði sent hermenn inn í Gaza-geiran. Seinni varð sagt, at einki hald var í hesum tíðindum.

Fyritøkur fáa ikki skikkaða arbeiðsmegi

Í sendingini í dag frætta vit eisini um føroyskar fyritøkur, sum ikki megna at fáa starvsfólk til sítt virksemi.

Vinnuhúsið segði mánadagin, at tað nú er nærum dagligur kostur, at fyritøkur ikki fáa skikkað starvsfólk.

Hvørji eru hesi fólkini, hvat er ávirkanin, og hvussu fáa fyritøkurnar atgongd til starvfólkini, sum tørvur er á?

Tað spyrja vit millum annað stjóran í Vinnuhúsinum um.

Breddin í útvarpinum klokkan 17.05

Marita Rasmussen

Marita Rasmussen er stjóri í Vinnuhúsinum.