Veiðigjøldini skulu koma í gildi næsta ár

Veiðigjøldini skulu koma í gildi næsta ár
Til nýggja lógin kemur í gildi, skulu veiðigjøldini verða goldin eftir verandi lóg, sigur meirilutin í Fíggjarnevndini
Uppsjóvarskipini og trolararnir í Barentshavinum skulu rinda tilfeingisgjald
 
28.04.2021 - 08:44

Nýggju veiðigjøldini skulu ikki koma í ár, men næsta ár.

Tað heldur meirilutin í Fíggjarnevndini, Magnus Rasmussen, Jákup Mikkelsen, Bill Justinussen og Jógvan Skorheim.

Fíggjarnevndin kom við áliti um veiðigjøldini í gjár. 

Sambært broytingaruppskoti hjá meirilutanum, skal lógin koma í gildi 1.januar 2022.

Til ta tíð, sum er 1.januar 2022 fyri botnfisk úr Barentshavinum og 1.august 2022 fyri uppsjóvarfisk, verða veiðigjøldini goldin eftir verandi lóg, sum kom í 2018.

Minnilutin mælir frá

Minnilutin í Fíggjarnevndini, Aksel V. Johannesen, Páll á Reynatúgvu og Ruth Vang, tekur ikki undir við uppskotinum hjá landsstýrinum, og mælir løgtinginum frá at samtykkja tað.

Minnilutin hevur einki broytingaruppskot. 

Andstøðan tekur undir við leistinum í uppskotinum. Men hon heldur, at uppskotið byggir ikki á nakrar útrokningar, sum siga, hvør veruliga tilfeingisrentan er. 

Tað er tó rættiliga sannlíkt, at tilfeingisrentan er munandi størri enn veiðigjøldini eru í uppskotinum, tá prísirnir eru miðal og ikki minst, tá ið prísirinir eru høgir, sigur minnilutin í Fíggjarnevndini. 

Tá prísirnir fara í botn, er ongin tilfeingisrenta. Kortini ætlar landsstýrið at taka veiðigjald frá fyrsta oyra.

Atkvøtt verður um uppskotið um veiðigjøld á tingfundinum í morgin.  

Er kopiera
Nýggjastu sendingar í ÚV
Mikudag 23. apríl
Mono - Minimalisma í tónleiki (1:5)
191003
Mikudag 23. apríl
Góðan morgun Føroyar
190988
Mikudag 23. apríl
Morgunlestur mikudagur 23.apríl 2025
190969
Týsdag 22. apríl
LEITISSTEIN 22.04.2025 (Deja Vu)
190977
Nýggjastu sendingar í SV
Týsdag 22. apríl
Veðrið
190965
Týsdag 22. apríl
3-2 (14. apríl 2025)
190949
Týsdag 22. apríl
3-2 (7. apríl 2025)
190948
Týsdag 22. apríl
3-2 (31. mars 2025)
190947
Týsdag 22. apríl
3-2 (24. mars 2025)
190946