Atlantsflog skal hava fíggjarliga hjálp

Atlantsflog skal hava fíggjarliga hjálp
Nevndarformaðurin í flogfelagnum váttar, at arbeitt verður við einari loysn at leggja fyri landsstýrið, sum eigur Atlantsflog
Ein greining vísir, at Atlanstflog í ringasta føri fer at hava 179 mió. kr. í halli í ár
Mynd: Bjarni Árting Rubeksen  
 
24.09.2020 - 14:24

Alt bendir á, at Atlantsflog skal hava nýggjan kapital.

Tað váttaði Jørgen Niclasen, landsstýrismaður í fíggjarmálum, í tinginum fyrr í dag.

Jørgen Niclasen vil ikki útgreina, hvat hetta merkir. Hann hevur ikki fleiri viðmerkingar til málið.

Arbeiða við loysn

Niels Mortensen, nevndarformaður í Atlantsflog, váttar fyri Kringvarpinum, at nevndin arbeiðir við eini loysn at leggja fyri eigaran, sum er landsstýrið.

Arbeiðið skuldi verið gjørt fyrr í ár, men støðan við koronu broytist alla tíðina, og tí verður arbeiðið ikki gjørt fyrr enn nú.

Niels Mortensen upplýsir, at uppskot til loysn verður lagt fyri landsstýrið um eina til tvær vikur. Hann hevur ikki fleiri viðmerkingar.

Stórt hall 

Ein greining, sum ráðgevarafyritøkan Rajani-Rasmussen gjørdi fyri Kringvarpið í mai mánaði, segði, at Atlantsflog í ringasta føri kann hava 179 milliónir krónur í undirskoti í ár.

Sambært somu greining verður úrslitið fyri 2020 í besta føri 71 milliónir krónur í undirskoti. 

Við ársbyrjan var eginpeningurin í Atlantsflog góðar 250 milliónir krónur.

Er kopiera
Nýggjastu sendingar í ÚV
Leygardag 5. apríl
PLÁTUPANELIÐ #028 (1995)
190304
Leygardag 5. apríl
14. Jambalaja
190302
Leygardag 5. apríl
Upp á tá - 040425
190297
Leygardag 5. apríl
Vikan 5. apríl 2025
190296
Leygardag 5. apríl
Morgunlestur leygardagur 5.apríl 2025
189980
Nýggjastu sendingar í SV
Leygardag 5. apríl
Nations League 2025: Føroyar - Moldova 2-0
190286
Fríggjadag 4. apríl
Veðrið
190275
Fríggjadag 4. apríl
KAKUMiKS (2:7)
190170
Fríggjadag 4. apríl
Dagur og vika - teknmálstulkað
190243
Hósdag 3. apríl
Dagur og vika - teknmálstulkað
190208