Hesin dreki skal framleiða streym í Vestmannasundi

Ferjulegan á Oyrargjógv er vaknað aftur.

SEV er í holt við at draga káplar og annað upp úr sjónum í eina eftirlitsstøð.

Kápulin fer eftir botninum ein góðan kilometur út á Vestmannasund og verður festur í einum dreka.

Drekin skal veita streym.

Tórfinn Simonsen, verkfrøðingur hjá SEV, hevur arbeitt við royndarverkætlanini. Hann væntar, at drekin fer á flog í juni.

Góðan Morgun Føroyar prátaði við hann hósmorgunin:

Minesto framleiðir drekan. Svenska fyritøkan hevur roynt seg í Írlandi og Wales. Men eftir brexit hevur felagið leitað sær til Føroyar.

Drekin, sum fer at flúgva nakrar metrar undir vatnskorpuni í Vestmannasundi, kann veita streym til 30 húsarhald.

Hann er festur í eina ketu og flýgur sum eitt átta-tal.