Útflutningurin vaksin við 1,2 milliardum

Vøksturin er 1,2 milliardir krónur, 14 prosent. Uppsjóvarfiskur er størsti parturin í útflutninginum, sambært tølum hjá Hagstovu Føroya.

Hetta eru tølini til og við februar. Korona fór at gera um seg í mars, so sjúkan er ikki við í hesum tølunum.

Innflutningurin vaks ikki so nógv. Innflutt varð fyri 8,4 milliardir krónur, 700 milliónir krónur meira enn frá mars 2018 til februar 2019.