Strangari reglur fyri láturgasspatrónir

Strangari reglur fyri láturgasspatrónir
Lógin verður herd í Danmark, men ein lógarbroyting í Føroyum datt burtur, tá tingið fór í summarfrí
 
21.01.2020 - 13:37

Fólkatingið hevur samtykt at avmarka søluna av smáum láturgasspatrónum.

Nú kunnu bara tey, sum eru eldri enn 18 ár, keypa láturgasspatrónir, og tað er bara loyvt at keypa tvær í senn.

Í Føroyum vaks sølan av smáu láturgasspatrónunum óvanliga nógv í fjør.

Tær verða brúktar í eitt nú gosfløskum til at píska róma, men samstundis frættist eisini úr okkara grannalondum, at hesar patrónir vórðu brúktar sum rúsandi evni millum ungfólk.

Arbeiddi við lógaruppskoti

Táverandi landstýrismaðurin í vinnumálum, Poul Michelsen, segði í summar, at arbeitt varð við einum lógaruppskoti, sum skuldi geva landsstýrismanninum heimild í kunngerð at hava eftirlit við innflutninginum og søluni av hesum patrónum.

Lógaruppskotið bleiv tó ikki liðugt viðgjørt, áðrenn løgtingið fór í summarfrí, og datt tí burtur.

Helgi Abrahamsen, landsstýrismaður, sigur í stuttari viðmerking í dag, at hetta málið er ikki tikið uppaftur enn.

Tí eru í løtuni ongar avmarkingar á søluni av láturgasspatrónum í Føroyum, tó at onkrir handlar av sínum eintingum hava avmarkað søluna.

Er kopiera
Nýggjastu sendingar í ÚV
Leygardag 5. apríl
PLÁTUPANELIÐ #028 (1995)
190304
Leygardag 5. apríl
14. Jambalaja
190302
Leygardag 5. apríl
Upp á tá - 040425
190297
Leygardag 5. apríl
Vikan 5. apríl 2025
190296
Nýggjastu sendingar í SV
Leygardag 5. apríl
Sement 2025
190308
Leygardag 5. apríl
Nations League 2025: Føroyar - Moldova 2-0
190286
Fríggjadag 4. apríl
Veðrið
190275
Fríggjadag 4. apríl
KAKUMiKS (2:7)
190170
Fríggjadag 4. apríl
Dagur og vika - teknmálstulkað
190243