Bob Geldof til Føroya

Hann gjørdist heimskendur, tá hann í 1985 tók stig til og fyriskipaði risastóra stuðulstiltakið Live Aid, sum varð hildið í bæði Wembley Stadium í London, Onglandi, og John F. Kennedy Stadium í Philadelphia, USA.

Men á Vinnudegnum 27. september verður hann høvuðsfyrilestrarhaldarin á árliga Vinnudegnum í Norðurlandahúsinum. 

Tónleikarin, forsprákarin og íverksetin Sir Bob Geldof. Tað boðar Vinnuhúsið frá í dag.

"I Don't Like Mondays"

Bob Geldof bleiv kendur í 70- og 80-árunum sum sangari í bólkinum Boomtown Rats, ið hittaði við eitt nú "I Don't Like Mondays" og "Rat Trap", sum báðir náddu upp á eitt fyrsta pláss á UK Top 40-hitlistanum. 

Men tað vóru ikki sangevnini hjá Bob Geldof, men hinvegin Live Aid, ið gjørdu hann heimskendan. Boomtown Rats gavst í 1986, men byrjaði aftur í 2013 og spælir enn. 

Á Vinnudegnum fer hann, undir heitinum “Making a Difference”, millum annað at tosa um heimsmálini hjá ST, um tað, hann kallar “ethical accountability”, og um tørvin á samstarvi fyri at røkka úrslitinum.

Vinnudagurin 2019 verður hildin fríggjadagin 27. september.